O Ciucciariello

( Sing: Fausto Cigliano )
( Authors: R. Murolo - Oliviero - 1959 )

Listen all songs of Fausto Cigliano

  • O Ciucciariello - Fausto Cigliano

 Please, translate this lyrics

Original


'Ncoppa 'a na strada janca e sulagna,
'mmiez'a ll'addore e a ll'aria 'e campagna,
na carretta piccerella
chianu, chianu, se ne va.

Nun s'affatica stu ciucciariello,
nun tene pressa. Ch' 'a tene a fá?
E sta luntano stu paisiello
addó' nisciuno c' ha da aspettá.

E tira, tira, tira oje ciucciariello,
'sta carrettella, tírala tu.
E sona, sona, sona 'o campaniello,
ma chi aspettava nun ce sta cchiù.

Na femmena busciarda mm' ha lassato,
luntano da 'a campagna se n' è ghiuta.
E tira, tira, tira oje ciucciariello,
pe' 'n' ata parte pòrtame tu.

Oje, ciucciariello buono e aggarbato,
tu ca nc' hê visto sempe abbracciate,
na prumessa 'e matrimonio,
a sentiste pure tu.

Essa diceva: "Si' 'a vita mia,
e a primmavera c'îmm''a spusá".
Nun era overo, fuje na buscía,
se n'è partuta, chisà addó' sta.

E sona, sona, sona 'o campaniello,
ma chi aspettava nun ce sta cchiù.

Na femmena busciarda mm' ha lassato,
luntano da 'a campagna se n' è ghiuta.
E tira, tira, tira oje ciucciariello,
pe' 'n' ata strada pòrtame tu.

'Ncoppa 'a na strada janca e sulagna,
'mmiez' a ll'addore e a ll'aria 'e campagna,
na carretta piccerella
chianu, chianu, se ne va.

* Incorrect validation number! Please type 13

     
 

Musica Italiana Copyright 2006-2017 "Pino Ulivi". Design, content and publication of "Leo Caracciolo"

The songs in Italian are to their respective owners.