Napule ca' se ne va'

( Sing: Mirna Doris )
( Authors: E. Murolo - E. Tagliaferri - 1920 )

Listen all songs of Mirna Doris

  • Napule ca' se ne va' - Mirna Doris

 Please, translate this lyrics

Original


E so' sbarcate 'nterra Marechiaro
tre cumitive 'e vascio â Sanitá.
So' doje coppie 'e 'nnammurate,
doje maeste 'ngannaccate
cu 'e marite e nu cumpare
viecchio capo 'e suggitá.

E che tavula speciale!
'Nterra 'o cato cu 'a frutta e 'o vino,
nu mellone dint''a cantina,
'o cumpare dint''a cucina
ca "discute" cu 'a principale.

E 'a luna guarda e dice:
"Si fosse ancora overo!
Chisto è 'o popolo 'e na vota,
gente semplice e felice.
Chist' è Napule sincero
ca pur' isso se ne va!"

Divotamente mo se fanno 'a croce,
comm'è ll'usanza, primma 'e accumminciá.
'O cumpare, ch'è 'struito,
fa nu brínnese in pulito.
Lle risponne, a una voce,
tutt' 'a tavula: "Addo' va!"

'A sié Rosa ca se cunzòla
pe' sti suone ca só' venute,
pe' 'sta voce ch' è fina e bella,
p' 'a canzone ch' è "Palummella".
Palummella ca zómpa e vola.

E 'a luna guarda e dice:
"Si fosse ancora overo!
Chisto è 'o popolo 'e na vota,
gente semplice e felice.
Chist' è Napule sincero
ca pur' isso se ne va!"

'E ttre famiglie tornano vucanno,
nu poco fatte a vino tutt' 'e tre.
'A varchetta 'e ccunnuléa,
na maesta scapuzzéa.
'O cumpare parla 'e quanno,
quanno 'o guappo era nu rre.

'E ffigliole, pe' sottaviento,
mo se fanno na zuppetella
cu 'e taralle 'int'a ll'acqua 'e mare...
Ll'acqua smòppeta, fragne e pare
ca 'e mmanelle só' tutte 'argiento.

E 'a luna guarda e dice:
"Si fosse ancora overo!
Chisto è 'o popolo 'e na vota,
gente semplice e felice.
Chist' è Napule sincero
ca pur' isso se ne va!"

* Incorrect validation number! Please type 15

     
 

Musica Italiana Copyright 2006-2017 "Pino Ulivi". Design, content and publication of "Leo Caracciolo"

The songs in Italian are to their respective owners.