Cicerenella

( Sing: Roberto Murolo )
( Author: Anonymous - 1857 )

Listen all songs of Roberto Murolo

  • Cicerenella - Roberto Murolo

 Please, translate this lyrics

Original


Cicerenella mia, si' bona e bella!

Cicerenella tenéa nu ciardino
e ll'adacquava cu ll'acqua e lu vino,
ma ll'adacquava po' senza langella.
Chist'è 'o ciardino de Cicerenella!

Cicerenella teneva una gatta
ch'era cecata e purzí scontraffatta,
la strascenava cu meza codella.
Chest'è la gatta de Cicerenella!

Cicerenella teneva nu gallo
e tutta la notte nce jéva a cavallo,
essa nce jéva, po', senza la sella.
E chisto è lo gallo de Cicerenella!

Cicerenella teneva nu ciuccio
e ll'avéa fatto nu bellu cappuccio,
ma nun teneva né ossa e né pelle.
Chisto è lu ciuccio de Cicerenella!

Cicerenella tenéa na gallina
che facéa ll'uovo la sera e matina,
ll'avéa 'mparata a magná farenella.
Chest'è 'a gallina de Cicerenella!

Cicerenella tenéa na pennata
e tutta la notte steva allummata,
e ll'allummava co la lucernella.
Chesta è 'a pennata de Cicerenella!

Cicerenella teneva na vótte,
mettea da coppa e asceva da sotto,
e nun ce steva tompagno e cannella.
Chesta è la vótte de Cicerenella!

Cicerenella tenéa na remessa
e nce metteva cavallo e calesse,
e nce metteva la su tommonella.
Chesta è 'a remessa de Cicerenella!

Cicerenella tenéa na tièlla,
frijeva ll'ove cu la mozzarella,
e le ffrijeva cu la sarcenella.
Chesta è 'a tièlla de Cicerenella!

Cicerenella mia, si' bona e bella!

* Incorrect validation number! Please type 14

     
 

Musica Italiana Copyright 2006-2017 "Pino Ulivi". Design, content and publication of "Leo Caracciolo"

The songs in Italian are to their respective owners.