Ciccio Formaggio

( Sing: Roberto Murolo )
( Authors: Pisano - Cioffi - 1940 )
( Also known as: "Si mme vulisse bene overamente" )

Listen all songs of Roberto Murolo

  • Ciccio Formaggio - Roberto Murolo

 Please, translate this lyrics

Original


Te 'ncuntraje,
te parlaje
e m'innamorai di te.
Mme guardaste,
mme diciste:
"Mi piacete pure a me".

Ma tutt''o bbene ca hê ditto sempe 'e mme vulé,
è na buscía ch'è asciuta 'ncopp''o naso a te.

Si mme vulisse bene overamente,
nun mme facisse 'ncujetá da 'a gente,
nun mme tagliasse 'e pizze d''a paglietta,
nun mme mettisse 'a vrénna 'int''a giacchetta.
Si mme vulisse bene, o mia Luisa,
nun mme tagliasse 'o cuollo d''a cammisa.

Si' na 'nfá', si' na 'nfá', si' na 'nfama.
Te n'abù', te n'abù', te n'abuse,
te n'abuse ca Ciccio Formaggio
nun tene 'o curaggio
nemmeno 'e parlá!

Si sapisse,
si vedisse
dint''o core mio che nc'è,
cumpiatisse,
mme dicisse:
"Puveriello, ma pecché?"

Ma 'ncopp''o core tu nce tiene 'e pile, 'o ssá',
ca nu barbiere nun ce abbasta p''e ttagliá!

Si mme vulisse bene overamente,
nun mme facisse 'ncujetá da 'a gente,
nun mme tirasse 'e pile 'a dint''e rrecchie,
nun mme mettisse 'o dito dint'a ll'uocchie,
nun mme mettisse 'a neve dint''a sacca,
nun mme squagliasse 'ncapa 'a ceralacca!

Si' na 'nfá', si' na 'nfá', si' na 'nfama.
Te n'abù', te n'abù', te n'abuse,
te n'abuse ca Ciccio Formaggio
nun tene 'o curaggio
nemmeno 'e parlá!

L'altro giorno,
ma che scorno!
Vengo a casa e trovo a te
spettinata,
abbracciata
'nziem'a n'ommo. "Bèh! Ched è?"

Mme rispunniste: "Chisto vene a te 'mpara'
comme se vasa quanno po' tu mm'hê 'a spusa'"

Si mme vulisse bene overamente,
nun mme facisse 'ncujetá da 'a gente,
nun mme menasse 'e streppe 'e rafanielle,
nun mme mettisse 'a quaglia 'int''o cappiello,
nun mme facisse stá, pe' n'ora sana,
cu 'a pippa 'mmocca e cu 'a cannela 'mmano!

Si mme vulisse bene overamente,
nun mme facisse 'ncujetá da 'a gente,
nun mme pugnisse areto cu 'o spillone,
nun mme mettisse 'a colla 'int''o cazone,
nun mme screvisse, cu nu piezzo 'e gesso,
aret''o matinè: "Ciccí', si' fesso!"

Si' na 'nfá', si' na 'nfá', si' na 'nfama.
Te n'abù', te n'abù', te n'abuse,
te n'abuse ca Ciccio Formaggio
nun tene 'o curaggio
nemmeno 'e parlá!

* Incorrect validation number! Please type 10

     
 

Musica Italiana Copyright 2006-2017 "Pino Ulivi". Design, content and publication of "Leo Caracciolo"

The songs in Italian are to their respective owners.