Canzone appassiunata

( Sing: Massimo Ranieri )
( Author: E. A. Mario - 1922 )

Listen all songs of Massimo Ranieri

  • Canzone appassiunata - Massimo Ranieri

 Please, translate this lyrics

Original


N'albero piccerillo aggiu piantato
criscènnolo cu pena e cu sudore.
Na ventecata giá mme ll'ha spezzato
e tutt''e ffronne cágnano culore.

Cadute só' giá 'e frutte, e tuttuquante
erano doce, e se só' fatte amare.
Ma 'o core dice: "Oje giuvinotto amante,
'e ccose amare, tiénele cchiù care".

E amara comme si', te voglio bene.
Te voglio bene e tu mme faje murí.

Era comm''o canario 'nnammurato,
stu core che cantaje matina e sera.
"Scétate!" dico, e nun vò' stá scetato,
e mo nun canta manco a primmavera.

Chi voglio bene nun mme fa felice,
forse sta 'ncielo, destinato e scritto.
Ma i' penzo ca nu ditto antico dice:
"Nun se cummanna 'o core". E i' mme stó' zitto.

E mme stó' zitto, sí, te voglio bene.
Te voglio bene e tu mme faje murí.

Chiagno p'ammore, e cade 'o chianto mio,
dint'a 'sta testa 'o chianto 'a sta arracquanno.
Schiòppa na bella rosa e i', pe' gulio,
a chi mm'ha fatto chiagnere nce 'a manno.

Lle dico: "rosa mia, tu mme perduone
si te scarpesarrá senza cuscienza".
Ce sta nu ditto ca nce dá ragione:
"Fa' bene e scorda, e si faje male penza".

Pènzace buono, sí, te voglio bene.
Te voglio bene e tu mme faje murí!

* Incorrect validation number! Please type 8

     
 

Musica Italiana Copyright 2006-2017 "Pino Ulivi". Design, content and publication of "Leo Caracciolo"

The songs in Italian are to their respective owners.